今日晏晝十二點經過已經好想食，點知睇住差人抄牌，焗住走。
然後等呀等，收工後八點幾終於可以去九記食碗牛腩伊。一擺落口，嘩.......難食到呢，點解難食咗咁多嘅？
要知道，期待一樣嘢食，除咗期待個味道，份量都會期待埋，九記一向要食兩碗，再叫多碗爽腩又食唔晒，又唔想叫咖喱根腩，點知俾我發現原來九記係有肥牛.....
結果帶咗碗，嘩......好食到呢，如果唔係啲牛腩咁難食，我呢一世都唔會知道原來佢哋有肥牛，仲要咁好食。
所以話，江郎才盡唔緊要，人生點都淨係謹守畀一把刀人哋睇，到你真係好唔掂好唔掂嘅時候，先攞第二把出嚟，嗰種喜出望外佢會令人原諒你第一把刀生銹。
相信你哋改名叫九記肥牛，成績仲好過以前！

Search